மாலைப்பொழுது

சூரியன் கடலை முத்தமிடும்பொழுது

சில இடங்களில் மலைகளின் பின்னே ஒழிந்திருக்கும்பொழுது

நிலவு வேலைக்குச்செல்ல தயாராகும்பொழுது

பகலின் பிற்பொழுது; இரவின் முற்பொழுது

வெப்பக்காற்றின் பணி முடியும்பொழுது 

தென்றல் காற்றின் பணி தொடங்கும்பொழுது

கூட்டுப்பறவைகள் கூடு திரும்பும்பொழுது

கூலித்தொழிலாளர்கள் வீடு திரும்பும்பொழுது

தெருவிளக்கு எரியும்பொழுது; நிழல் தெரியும்பொழுது

தேநீர் அருந்தும் பொழுது -கூடவே 

முறுக்கை கடிக்கும்பொழுது

சிலர் உறங்கி எழும்பொழுது

கதிரவன் கிறங்கி விழும்பொழுது

கொசு கடிக்கும்போழுது; அதை நாம் அடிக்கும்பொழுது

கோயில் நடை சாத்தும்பொழுது

கால்நடைகள் வீடடையும்பொழுது

கடல் அலை வேகம் குறையும்பொழுது

பாட்டியிடம் கதை கேட்க அமரும்பொழுது

கண்ணாமூச்சி விளையாடும்பொழுது

மின்மினிப்பூச்சி வெளியே வரும்பொழுது

மேகம் களையும்பொழுது

விண்மீன்கள் விளையும்பொழுது

மனதை இதமாக வருடும்பொழுது

மாலைப்பொழுது....! 

           ~ ஜெய் கபி